Pakistan aur Bharat ke darmiyan Jangi Kashidgi 2025: Awam ke liye Hungami Hidayaat

Pakistan Bharat Tanaav 2025: Maujooda Surat-e-Haal

May 2025 tak Pakistan aur Bharat ke darmiyan kashidgi apne urooj par hai. Line of Control (LoC) aur Working Boundary par shelling ke waqeat mazeed barh gaye hain. Dono mulkon ke media par jang ke hawale se garam behas jaari hai, jabke awaam mein bechaini ka mahaul hai. Fouji halqe high alert par hain, aur barah-e-raast larai ka khatra barh chuka hai.

International community, khaas tor par United Nations aur China, dono mulkon ko tahammul aur mozakraat ka mashwara de rahi hai. Magar filhal dono taraf se sakht bayanat aa rahe hain. Security agencies ne sarhadi ilaqon ke logon ko mehfooz maqamaat par muntaqil hone ki hidayaat de di hain.

Islamabad aur New Delhi dono mein awami majlison aur rallyon ka silsila jaari hai. Social media par afwaahen barh rahi hain, is liye hukoomat ne awaam se appeal ki hai ke sirf mustanad zaraye se maloomat hasil karein.

Sarhad par trade aur tourism bilkul band ho chuka hai, aur economy par bhi iska asar pad raha hai. Aam log, khaas tor par Kashmir aur Punjab ke ilaqon mein, apni safety ke liye tayyari kar rahe hain.

Naseehat:

Is waqt zaroori hai ke hum apni hifazat par tawajju dein, ittehad barqarar rakhein aur afwahon se bachein. Sarkari hidayaat ka ehtiyaat se palan karein aur kisi bhi hungami surat mein apni family ke saath tayyar rahain.

May 2025 mein Pakistan aur india ke darmiyan sarhadi kashidgi mein khatarnak izafa hua hai. Pakistan Bharat jang 2025 ke hawale se dono mumalik ne apni afwaj ko high alert par rakh diya hai aur sarhadi ilaqon mein bombari aur shelling ke waqeat bhi report ho rahe hain. Aisi surat-e-haal mein awami agahi aur hifazati tadabeer apnana nihayat zaroori hai.

Is blog mein hum aap ko mustanad aur asaan alfaaz mein woh tamam iqdamat batayein ge jo aap ko apni aur apne khandan ki hifazat ke liye karne chahiyein, khaas tor par Pakistan Bharat jang 2025 ke pesh-e-nazar:

    Mobile Phone ki Tayari

• Apna mobile hamesha full charge rakhein.
• Call aur WhatsApp ka package active rakhein taake hungami rabta mumkin ho.

    Cyber Attack

• Cyber Attack se hoshyar rahe kisi b social link ko click mat karen nh kisi post ko kuch advance settings kr k rakhein apne data ki safetyk lie

    Rabtay ka Nizam

• Apne family members aur qareebi azeezon ka ek WhatsApp group banayein taake sab ka haal ahwaal pata chalta rahe.

    Panah Lene ka Tareeqa

• Bombari ya shelling ki surat mein qareebi bunker ya basement mein chale jaayein.
• Agar bunker na ho to mazboot chhat ke neeche rahain aur darwazon, khidkiyon se door rahain.

    Khuli Jagah Mein Ehtiyaat

• Agar aap khule aasman tale hon to zameen par oondhe munh let jaayein.
• Dono haathon se munh ko dhaank lein aur kehniyon ko pasliyon ke gird kar lein.

    Khurak aur Pani

• Kam az kam ek haftay ka pani aur dry food zakheera karke rakhein

    Fuel ka Bandobast

• Apni motorcycle ya gaari mein munasib miqdaar mein petrol hamesha mojood rakhein.

     Tibbi Imdaad

• Ibtidai tibbi imdaad ka saman (First Aid Kit) apne paas zaroor rakhein

    Pursukoon Rahain

• Shelling ya bombari ke doran idhar udhar mat bhaagein.
• Apne hawas par control rakhein, afraatfri aur bhagdarr se bachein.

Emergency Number Mehfooz Karein

• Ambulance, qareebi hospital aur doosre emergency numbers mobile mein save rakhein.

     Doosron ki Madad Karein

• Agar koi shakhs aap ki madad ka mohtaj ho to hatta-ul-imkan uski madad karein.\

    Mahfooz Maqam ki Talaash

• Jaise hi moqa mile, apni family ko mehfooz maqam par muntakil karein.

    Chaukas Rahain

• Apne ird gird mashkook afraad par nazar rakhein aur foran maqami hukam ko ittila dein.

Pakistan India jang 2025 ke is naazuk waqt mein yaad rakhein, sab se badi taqat aap ka hosla, hoshyari aur ittehad hota hai. Bara-e-karam afwahon se bachein aur sirf mustanad zaraye se khabrein hasil karein. Mazeed maloomat aur updates ke liye hamari website ASi Tech (https://www.asitech.site/) par visit karte rahain.

Allah Pak hum sab ki hifazat farmaaye. Aameen.